Sunday, 1 September 2013

മഞ്ജു വാര്യര്‍ മലയാള സിനിമയിലേക്ക് തിരിച്ചു വരുന്നു.!

പ്രശസ്ത നടി മഞ്ജു വാര്യര്‍ നീണ്ട 15 വര്‍ഷത്തെ ഇടവേളയ്ക്കു ശേഷം മലയാള സിനിമയിലേക്ക് തിരിച്ചെത്തുന്നു...തിരിച്ചുവരവ് മലയാളത്തിന്‍റെ സ്വന്തം താരരാജാവ് മോഹന്‍ലാലിനൊപ്പം,രഞ്ജിത് സംവിധാനം ചെയ്യുന്ന ചിത്രം ആന്റണി പെരുമ്പാവൂര്‍ ആണ് നിര്‍മ്മിക്കുന്നത്. ഈ വര്‍ഷം നവംബറിലോ ഡിസമ്പറിലോ ആയി ചിത്രീകരണം തുടങ്ങും എന്നാണു അറിയാന്‍ കഴിഞ്ഞത്.ചിത്രത്തില്‍ മഞ്ജുവിന് ഇതുവരെ ഒരു മലയാള നടിക്കും ലഭിക്കാത്ത പ്രതിഫലമാണ് നിര്‍മ്മാതാക്കള്‍ വാഗ്ദാനം ചെയ്തിരിക്കുന്നത്. ഇതിനുമുന്‍പ് മോഹന്‍ലാലും മഞ്ജുവാര്യരും രഞ്ജിത്തും ഒരുമിച്ച  ചിത്രം   "ആറാം തമ്പുരാന്‍"  മലയാളത്തിലെ എക്കാലത്തെയും മികച്ച ഹിറ്റുകളിലൊന്നായിരുന്നു.


പുതിയ ചിത്രത്തിന്‍റെ കഥയെക്കുറിച്ചോ കഥാപാത്രങ്ങളെ ക്കുറിച്ചോ വിവരങ്ങള്‍ ഒന്നും പുറത്തുവിട്ടിട്ടില്ല.അതെ സമയം പുതിയ സിനിമ ആറാം തമ്പുരാന്‍റെ രണ്ടാം ഭാഗമല്ലെന്നും പുതിയ കഥയും കഥാസന്ദര്‍ഭങ്ങളുമായിരിക്കുമെന്നും രഞ്ജിത്ത് വ്യക്തമാക്കി.സിനിമയെക്കുറിച്ച് കൂടുതല്‍ വിശദാംശങ്ങള്‍ പുറത്തു വരുന്നതെ ഉള്ളു..ഏതായാലും മലയാളികള്‍ക്ക് നല്ലൊരു ദൃശ്യ വിരുന്നൊരുക്കാന്‍ ഇവര്‍ ഒരുമിക്കുന്നു എന്നുള്ളത് പ്രതീക്ഷയ്ക്ക് വകയുള്ള ഒരു കാര്യമാണ്.മറ്റൊരു ജഗന്നാഥനും ഉണ്ണിമായയും വെള്ളിത്തിരയില്‍ ആടി തകര്‍ക്കുന്നതിനായി നമുക്ക് കാത്തിരിക്കാം.






No comments:

Post a Comment