Friday 6 September 2013

വിവാഹശേഷം മീന വരുന്നു, മോഹന്‍ലാലിന്റെ ഭാര്യയാകാന്‍!!!

കുറച്ചുനാളായി മോഹന്‍ലാലിന്റെ പുതിയ ചിത്രത്തില്‍ ഭാര്യയായി അഭിനയിക്കാന്‍ നടിയേ തേടി നടക്കുന്നു. പലരും ആദ്യം തയാറാവുകയും പിന്നീട് കൗമാരക്കാരായ മക്കളുടെ വരെ അമ്മയാകുന്ന റോളാണെന്ന് കേള്‍ക്കുമ്പോള്‍ വിട്ടുപോകുകയുമായിരുന്നു ചെയ്തത്. മലയാളത്തിലെ പലനടിമാരെയും തെരഞ്ഞെങ്കിലും ഒരാളും കഥ കേട്ടതോടെ തയാറായില്ല. അങ്ങിനെ വിട്ടാല്‍ പറ്റില്ലല്ലോ എന്ന് ചിന്തിച്ച് സംവിധായകന്‍ തമിഴ് രംഗത്തേക്കു കടന്നു. പ്രതീക്ഷിച്ചതു പൊലെയായിരുന്നില്ല കാര്യങ്ങള്‍ . അവിടെയും ഇതേ അവസ്ഥയിലായിരുന്നു. സിമ്രാന്‍ വരെ റോള്‍ ഏറ്റെടുത്തെങ്കിലും പിന്നീട് പിന്‍മാറി. മോഹന്‍ലാലിന്റെ നായികയാകാന്‍ ആരും വരുന്നില്ലെന്ന് വാര്‍ത്ത വ്യാപകമായി പ്രചരിച്ചു. ഒടുവില്‍ ഈ പ്രശ്‌നത്തിന് പരിഹാരമായിരിക്കുന്നു. വര്‍ണ്ണപ്പകിട്ട്, ഒളിമ്പ്യന്‍ അന്തോണി ആദം, ഉദയനാണ് താരം തുടങ്ങിയ നിരവധി ചിത്രങ്ങളില്‍ മോഹന്‍ലാലിന്റെ നായികയായ മീന ഈ ചിത്രത്തിലൂടെ തിരിച്ചുവരുമെന്നാണ് പുതിയ വാര്‍ത്തകള്‍ . യുവ സംവിധായകന്‍ ജിത്തു ജോസഫ് സംവിധാനം ചെയ്യുന്ന ആദ്യ മോഹന്‍ലാല്‍ ചിത്രം കൂടിയായ ഇതില്‍ മീന മോഹന്‍ലാലിന്റെ ഭാര്യയാകുമെന്നാണ് കേള്‍ക്കുന്നത്.

No comments:

Post a Comment